Thursday, February 4, 2021

0.4 aQ ê 籍貫

0.4 aQ ê che̍k-koàn

Tē-sì, tō sī aQ chhut-sì ê só͘-chāi, its (iā-tō-sī) i ê che̍k-koàn ah. Ká-sú i sèⁿ Tiō, kin-kì hiān-chú-sî chhōe peh-sèⁿ pún-che̍k ê kū-lē, ē-sái chhâ "Kūn-miâ Pah-ke-sèⁿ" chit-pún chheh téng-koân ê kì-chài, kóng i sī Kan-su T'ian-shui (甘肅天水, Kam-siok Thian-súi) só͘-chāi ê lâng. Khó-sioh, che mā bô siáⁿ khó-khò, só͘-tì che̍k-koàn mā bô hoat-tō͘ koat-tēng. Sui-bóng i tī Bī-chng (未庄) tòa kúx, m̄-koh i mā chhiâng-chāi tòa tī pa̍t-ūi, bē-tàng kóng i sī Bī-chng lâng, ngē kóng i sī Bī-chng lâng, mā bô ha̍h toān-kì ê siá hoat.

Góa só͘ ē-tàng an-ùi ê, tō sī "a" chit-ê im bē m̄-tio̍h khì, choa̍t-tùi m̄-sī o͘-pe̍h tah ô͘-loān tàu ê, ē-tàng chiap-siū khó-giām. Iah nā pa̍t-hāng būn-tê neh, he tō m̄-sī góa chit-ê hân-bān lâng ē-tit kái-koat ê, chí-hó hi-bāng ū "le̍k-sú phiah kap khó-kì phiah (考據癖)" ê Hu Shih (胡適, Hô͘ Sek) Ss (Sian-siⁿ) ê lia̍t-ūi bûn-tô͘, chiong-lâi he̍k-chiá ē-tàng chhōe tio̍h sin ê sòaⁿ-soh, m̄-koh, kàu hit-sî, góa chit-phiⁿ "aQ Chiàⁿ-toān" hoān-sè mā chá tō bô sin-si ah-lah.

Í-siōng ē-tàng sǹg sī khí-thâu-ōe.

--

0.4 aQ ê 籍貫

第四, tō aQ 出世 ê 所在, its (iā-tō-sǐ) ê 籍貫 ah. 假使伊姓趙, 根據現此時揣百姓本籍 ê 舊例, 會使查 "郡名百家姓" 這本冊頂懸 ê 記載, 講伊是 Kan-su T'ian-shui (甘肅天水, Kam-siok Thian-súi) 所在 ê . 可惜, che mā 無啥可靠, 所致籍貫 無法度決定. 雖罔伊 tī Bī-chng (未庄) 蹛久久, m̄-koh 常在蹛 別位, 袂當講伊是未庄人, 硬講伊是未庄人, mā 無合傳記 ê 寫法.

我所會當安慰 ê, tō "a" 這个音袂毋著去, 絕對毋是烏白搭胡亂鬥 ê, 會當接受考驗. Iah 若別項問題 neh, he tō 毋是我這个 hân-bān 人會得解決 ê, 只好希望有 "歷史癖 kap khó-kì phiah (考據癖)" ê Hu Shih (胡適, Hô͘ Sek) Ss (先生) ê 列位門徒, 將來或者會當揣著新 ê 線索, m̄-koh, 到彼時, 我這篇 "aQ 正傳" 凡勢 無身屍 ah-lah.

以上會當算是起頭話.

--

0.4

第四,是阿Q的籍貫了。倘他姓趙,則據現在好稱郡望的老例,可以照《郡名百家姓》上的註解,說是 "隴西天水人也",但可惜這姓是不甚可靠的,因此籍貫也就有些決不定。他雖然多住未莊,然而也常常宿在別處,不能說是未莊人,即使說是 "未莊人也",也仍然有乖史法的。

我所聊以自慰的,是還有一個 "字非常正確,絕無附會假借的缺點,頗可以就正於通人。至於其餘,卻都非淺學所能穿鑿,只希望有 "歷史癖與考據癖的胡適之先生的門人們,將來或者能夠尋出許多新端緒來,但是我這《阿Q正傳》到那時卻又怕早經消滅了。

以上可以算是序。

==





No comments:

Post a Comment

Manlajo 台譯文學總目錄

Manlajo Tâi-e̍k Bûn-ha̍k Chóng-bo̍k-lo̍k | Manlajo 台譯文學總目錄 2021-3-28 Chia ū chit kúi-nî lâi, góa ùi gōa-bûn hoan-e̍k chò Tâi-bûn ê bûn-ha̍k ...